21 Jul 2026 - 體驗五谷磨房(1837)「商超專櫃」銷售流程

作為五谷磨房(1837)小股東，一直在香港透過超市及網購買貨架產品「核桃芝麻黑豆粉」自用作支持，今次去深圳，在羅湖益田假日廣場嘅「永輝超市」首次遇到公司重要銷售渠道之一「商超專櫃」，體驗咗銷售員服務及整個銷售流程，非常滿意，最後用約500港元買入現料即磨嘅「黑之養」益生元黑枸杞桑葚營養谷物餐，同「元氣粉」益生元奇亞籽核桃谷物餐，可謂給予更大支特！我同老婆越來越注重健康，會慢慢享用！

11 Mar 2026 - [股票投資] 都係食下「五谷磨房」健康啲！

五谷磨房(1837)昨天發盈喜，今天股價升16.8%，突破六年新高，自2025年初起幅股價圖算幾靚仔，期間連股息回報166%。

不過，公司股票於2018年尾已經上市，招股價$1.62，今天收報$1.32，連期間所收股息還未返家鄉。

公司於2006年成立，是一家中國天然健康食品品牌，專注穀物粉、食補產品等，主打「本來自然，何須添加」的理念。2018年上市，相信不少投資者都未聽過呢個品牌。雖然在香港上市，但我都冇乜留意，叫做對個名有啲印象，但以為係銷售類似「每日堅果」等產品。

不過，今年初朋友介紹下，買咗五谷磨房嘅「核桃芝麻黑豆粉」，惠康價600克$60，算係公司中較便宜嘅產品，一星期平均沖水飲三次，用嚟代替麵包做早餐，感覺健康啲，至於效果如何，因為都係食咗兩個月，未有足夠時間去評論。