26 Feb 2026 - [飲食] 很有傳統飲茶氣氛嘅「新興食家」

喺堅尼地城嘅「新興食家」出名凌晨3點開門營業，在香港已很罕見，加上環境懷舊地道，很有傳統飲茶氣氛，想嚟見識好耐，今日有幸有熟場嘅朋友帶我去食翻次！點心現場手工製作，吼住新鮮出籠先叫嚟食，更加熱辣辣，知名嘅奶皇流沙包果然爆漿好味，糯米包就好少地方有得食，其他點心都足料好食，兩個人食咁多都係$210，性價比好高！

23 Feb 2026 - [旅遊] 用天半認識深圳灣及寶安區

我不多北上深圳，一年都係一兩次，因見深圳西南面的深圳灣及寶安區近月有不少新景點，所以這次索性在深圳過一晚夜，來個天半遊。

除了跟車北上公司探訪外，私人性質應該係首次在深圳灣過關，一地兩檢下不消十分鐘便完成過兩關，行數分鐘便到自一年前逐步開通的深圳地鐵13號線，在「深圳灣口岸」站上車，坐兩個站便到「后海」站，有出口到「深圳灣萬象城」，第二期C及D區於去年尾開業，地方很大，比第一期A及B區的名牌店明顯親民，兩期室內加室外空間足夠行大半天。

「深圳灣萬象城」向口岸方向連接「深圳灣文化廣場」及「人才公園」，暫時放下公園和尋找人才有何關係的疑問，此公園環境優美，也不失為遊玩悠閒的好地方。

「深圳灣萬象城」另一面二樓則接駁一條天橋，名為「深圳灣大街」，沿路有很多親民食肆，一路接連其他商場如較大規模的「海岸城購物中心」，並直達是次下榻的「深圳中洲萬豪酒店」。

離深圳灣不遠嘅寶安區都有唔少新建設值得去睇吓，當中有約半年前開放嘅「灣區之眼」，地鐵5號線寶華站直達，包括全國最大規模書城，內裡空間感不錯，係睇書休閑嘅好地方，頂層亦設有「屋頂花園」，可以俯瞰周遭新建設。地點同「歡樂港灣」及深圳最大商場之一「前海壹方城購物中心」都係約十分鐘步程，可以一次過去晒幾個景點！

「歡樂港灣」位於寶安區南部濱海地帶，地鐵5號線臨海站可直達，有著名地標「灣區之光」摩天輪，係集悠閒娛樂嘅旅遊區，假日都好多人嚟遊樂，適逢黃昏日落時份，景色更靚！

23 Feb 2026 - [飲食] 被譽為深圳最高級嘅酒店中菜廳

呢兩日同老婆去咗深圳灣同寶安區輕鬆一下，今日到「深圳灣口岸」附近萊佛士酒店「雲璟」飲茶食點心，餐廳位處70樓景觀很靚，可遠眺深圳灣大橋同天水圍。

今次食咗黑毛豬叉燒、海膽臘味飯卷、龍蝦湯飯、魚子海參咸水角等，食物很有水準及賣相精緻，服務貼心，設計亦很有空間感，價錢就係香港五星級酒店中菜水平，但份量較少，被譽為深圳最高級嘅酒店中菜廳，果然名不虛傳！

14 Feb 2026 [飲食] 中環最受歡迎韓食之一

中環近年開了不少韓國菜餐廳，「八八嫩豆腐鍋」應該是最受歡迎之一，今日去食最基本嘅海鮮豆腐鍋，辣度可選少辣及加辣，我不嗜辣，少辣也可以接受，而海鮮則包括蟹件、魷魚、蝦及蜆。另外，亦點了鐵板上的牛小排，及皮薄餡多的豬肉餃子，全部都好好食，這餐廳可以Encore！

14 Feb 2026 - [生活逸事] 值得參觀的「周大福」全球首間旗艦店

前天傳媒報導「周大福」在廣東道開設全球首間旗艦店，佔地約萬呎，昨晚去參觀一下，原來是試業第三天，似乎未向遊客宣傳，雖然對面馬路嘅名店LV、Channel、Dior等都有長龍，這次行得就幾舒服，還有親切店員帶我們逐區參觀介紹，唔少飾物同擺設都幾靚，值得去看看！