唔記得有冇試過一個月內睇兩場演唱會，今次真係適逢其會，5月1日睇「草蜢40週年演唱會」，到5月17日就睇「林憶蓮迴響演唱會」，都係我呢啲年紀嘅人嘅集體回憶，80、90年代就係香港流行樂壇嘅高峰。更高興的是兩個演唱會同時獲得高度評價，而是次「林憶蓮演唱會」更被評為演唱會天花板，亦係「啟德體育園」主場館開演唱會嘅示範作。
還記得我和老婆於去年8月本已計劃好去睇「林憶蓮巡迥演唱會」澳門站，怎知遇正八號風球而延期一週，碰巧我們那天在東京，只好無奈退票，今次算係一種補償，怎知錯有錯著，因為林憶蓮認為香港是我家，而非巡迥演唱會的其中一站，所以特別誠意重新編排成「全廣東歌」歌單，連舞台、服裝、編曲與視覺都是全新打造。
這次演唱會想表達的核心，是一種「由崩壞走向重生」的生命敘事，同時也是林憶蓮對香港的一次深情回望與重新連結，所以特設一段香港故事，反映自己對香港的心境。這個主題以多首歌曲貫穿，一唱便個多小時，只唱不說，之後才用說話和大家分享自己的心聲。
接著是Encore環節，因為演唱會的主題已表達，這部份的氣氛完全不一樣，不再沉重，就如一個正常演唱會般，而我們看的第二晚更特設快歌Medley，勁歌熱舞非常有氣氛，然後再以數首慢歌作結。
