Tuesday, June 06, 2006

6 Jun 2006 - 肺腑之言!!!

這兩天按計劃動用部分資金入貨,所買股票以週日時推介為本,大多與大市不同步,以中長線投資為目標,暫不訂止蝕價,但形勢不妙亦會止蝕。AAC Acoustic(2018)走勢出奇不以,筆者$7.8買入,兩三天升至$8.9,再用兩天時間打回原形,今天收$7.8,但已跌破50天平均線,形勢呈不妙,小心$7.5近期低位。

(按一下下圖可放大)




上星期壹週刋有一個專欄名「暴跌之後 投資者自白」,頗有趣,節錄如下(加筆者短評!)

「台灣人尊崇的,是台塑董事長王永慶、鴻海董事長郭台銘等經營之神。我們呢?看傳媒吹捧出一個未經歷過股災的「少年股神」,他開壇講股,又會有二千人走去聽,香港人真係傻傻!」(黃國英,申銀萬國基金經理)

筆者:「作為基金經理,有必要經常在自己專欄提及這「少年股神」,吃其酸葡萄嗎?「少年股神」若無料到,長遠會自然消失,當笑料罷!有料到,我們便有幸看到天才的誕生及成長,不錯罷!」

「聽講座多年,邊個專家有料、邊個交行貨,我怎會不知?好似陸叔(陳永陸),功課都懶做,他說哪隻股份會升,你即刻放貨就真!最搞笑是,陸叔於Yahoo!設有投資組合,個倉不時可以在全日最低位買貨、最高位出貨,咁贏梗啦 !有次講座,我潤他:「喂!陸叔,個價閃一閃你都入到,好嘢喎!」他即頭耷耷,以笑遮醜。」(郭先生,散户一名)

筆者:「很多人都知,為什麼他仍有市場,值得寫專題研究!」

「其實炒窩輪,真係輸硬;不如去澳門仲好,起碼賭大細,贏輸機會都算一半一半。只要諗窩輪商點解可以聘請大量專家、贊助電視和電台節目,又搞講座?錢從何來?窩輪商只要在認購證到期前把股價壓下,就一定贏,加上窩輪有溢價,又無息收,根本並非公平遊戲。

睇圖表炒股的,又係傻。匯豐加上中移動已佔指四、五成,大戶好容易便可操控走勢。技術分析說什麼移動平均線、什麼圓頂雙頂,說穿了都是人為做出來,整到幾靚都可以。整個「死亡交叉」(技術分析術語,即短期的移動平均線跌穿長期的移動平均線),等散戶以為跌市將臨,大戶便可低位掃貨。」(董偉,七十六歲,眾利股票老闆,縱橫股壇逾六十年,為邵逸夫的御用經紀)

筆者:「只懂技術分折,不用基本分析,作為小投資者,長線真能賺錢糊口嗎?」

(Contact: micjacq@gmail.com)

2 comments:

Anonymous said...

=====================
其實炒窩輪,真係輸硬;不如去澳門仲好,起碼賭大細,贏輸機會都算一半一半。
=====================

澳門是同莊家對賭, 一樣係唔公平, 佢有污穢招對付一班專研究賭的賭徒.
八家樂, 二十一點等識玩就唔係Fifty Fifty, 明無?

> 炒窩輪輸硬?!
窩輪係難, 但唔代表輸硬.
呢D野, 當笑話聽下好.


========================
睇圖表炒股的,又係傻。
=======================

您傻我都未傻.
我夠無明無解香港咁多人鐘意用基本分析班人炒股, 唔通我又話佢地傻?
佢地可以就咁買股票都得, 我就實做唔到. 您唔我睇幅圖, 我連5號仔也不敢買.

各展所長傘. 您懂得用基本分析賺錢, 我懂得用技術分析賺錢, 各取所需.

=======================
筆者:「只懂技術分折,不用基本分析,作為小投資者,長線真能賺錢糊口嗎?」
=======================

絕對可以.
1000%肯定!

知唔知, 有人可以靠技術分折日日賺錢? 佢真係日日賺錢, 想輸一日都輸唔到! 輸既只因他的疏忽或太悶等因素做錯野, 命中率達99%!

我就唔知基本分析班人點做到. 可能我唔熟悉呢樣野, 我覺得基本分析連做都唔洗做. 對我來說, 做了反而仲衰.

不過呢D野您地一世都唔會信, 想證實又不能三言兩語便證實到, 也沒有必要證實, 咁您地就代笑話聽下, 得啖笑便算.

紅猴 said...

Mr. W,

「睇圖表炒股的,又係傻。」講這番話的不是阿豬阿狗,是香港股票老行尊,經驗老到,閱歷甚深,他自有一番道理,值得尊重,不見得是笑話!

不過你講到咁有信心,應該已賺了很多錢,或已過着退休生活,恭喜恭喜!小第則還需學習!

Redmonkey