嚐高美集團近年算係香港飲食業嘅逆市奇葩之一，收入及盈利連續上升多年，今年又繼續擴充，最近出通告提到將在「又一城」開四個品牌食肆，原來係承接咗H&M撤退後嘅舖位。
昨天同兩位創辦人定期食飯交流，原來集團有新嘗試，上月喺「The Southside」開咗間有堂食嘅日式麪包店「366 San Roku Roku Pan」，進軍烘焙市場，我今早去試吓，坐低食咗All Day Breakfast，好食有質素，尤其煎蛋做得特別靚，係用心出品。進食期間，亦持續有客人幫襯買麪包同堂食，麪包款式除緊貼潮流嘅岩鹽包、千層蛋撻外，亦有較創新嘅口味嘗試，好似Bagel就有鵝肝潤腸芝士、菠蘿薄荷臘腸等，我都買咗兩款麪包嚟試，雖未至於去到嘉多娜、初麥、享樂等要排隊搶購嘅地步，但係都係誠意之作，我認為整體食物都有80分水準，性價比合理。
No comments:
Post a Comment