最新香港米芝蓮三星及二星餐廳有18間，我已經食過17間，有些更不只光顧一次，唯一沒去過「廚魔」，數年前曾經訂過枱，但當時發現網上有不少有關服務的負評，所以取消了訂枱，至今也勾不起興趣。在這17間餐廳中，Tate Dining Room 算是相對較喜歡的一間，所以其主廚Vicky Lau喺尖沙咀新開張嘅Kimpton Hotel開設以雲南貴州菜做主題嘅餐廳 JIJA吱喳小館 ，便即時訂枱光顧，餐廳亦很受歡迎，今晚高朋滿座。
我同老婆點了5-Course套餐，算是Tasting Menu，每位$590，甜品另加$98，食完後，結論是性價比很高，絕對值得去試！除了甜品偏法式外，每道菜色都好有雲南特色，當然亦很好食。
以雲南特色菇菌作小炒皇配料，是一個特別的嘗試；炭燒貴州豬肉串似叉燒，亦做到肥燶效果，自製菇菌香腸則似潤腸；
脆哨野菌炒飯有生炒糯米飯感覺；大酥牛肉麵啲牛肉真係軟硬適中；
甜品亦非常出色！
無論是Tate Dining Room或JIJA吱喳小館，都會有興趣encore！
No comments:
Post a Comment