先前在網上看到「中國100咖啡指南」，見到第二名是香港的「Halfway Coffee」，雖然唔知個指南有幾大認受性，但見此店網上評價也不錯，加上五間分店裝修陳設都幾特別，今天去旺角便「專程」去看看。用「專程」因為由彌敦道行去都一段路，去到近渡船街，再過對面馬路已經係奧運站屋苑。間舖完全唔起眼，望落去以為係車房或舊式店舖，店內裝修有舊香港feel，擺設亂中有序，有室內，半室內同室外部份，雖然位置不方便但客人也很多，不少更是外籍人士，好似係「專程」嚟朝聖嘅旅客。
今次試吓飲杯特色嘅龍眼蜜Latte，更特別的是用上復古中式瓷杯，也發現店員後面架上的外賣杯還寫上「萬壽無疆」。店子也提供數個甜點咸食，不過那時不肚餓，有機會會光顧其他分店，適時再試！
No comments:
Post a Comment