中環「珍姐海鮮火鍋飯店」出名晚市火鍋氣氛熱鬧，午市碟頭飯好食受歡迎，多月前話因店址太舊而需搬遷，結業後只聞樓梯聲，期間則衍生出只賣三款麵的「Jus」(按此重溫先前分享)，及員工開的灣仔火鍋飯店「豪牛」，到最近終於正式宣佈回歸中環，仲出其不意開喺高檔高場太子大廈。
前天見話正式營業，今日就去幫襯鍾意食嘅碟頭飯，食咗新推出嘅「牛叉燒煎蛋飯」，牛叉燒同「Jus」嘅一樣，自然好食，個燶邊蛋都煎得好靚！背景音樂播住90年代廣東歌，又張學友，又李克勤，又王𠎀，聽住嚟食更正！依家喺中環太子大廈，MTR一出就到，大熱天時去都唔駛出哂汗，地方靚咗又寬敞咗，仲有早餐同下午茶食！
No comments:
Post a Comment