Nasdaq計劃將股票交易時間，由16小時延長至23小時，即係除咗現時嘅日間交易時間，同埋開市前交易時間外，新增夜間交易時間，美國時間為晚上9:00至翌日凌晨4:00，即係現時香港時間早上10:00至下午5:00，若果監管機構成功審批，最快2026年下半年推出。我除咗擔心香港股市交易銀碼受到影響外，亦關心到時專注投機嘅投資者嘅生理及心理狀況。
因此要真係想喺股市長期嚟講贏到錢，最緊要係自我控制能力，即係唔好俾個股市控制翻自己轉頭，個投資方法唔好俾股價短期波動影響到自己情緒，若果仲日炒夜炒永無寧日，諗諗到時仲可唔可以承受到，生理及心理狀況不理想，做乜嘢都唔會成功！
所以，以投資而非投機心態參與股市，喺呢個生態鏈最上層嘅參與者包括交易所及投資銀行等只為自己賺錢而越嚟越唔理投資者死活嘅年代，先係長期生存之道！
No comments:
Post a Comment