Wednesday, November 26, 2008

26 Nov 2008 - 隨想隨筆!於「熊氣蓋天」時回想「牛氣沖天」有何啟示?

投資組合自2005年12月14日成立日計至今回報:93%

11月14日股評「「投資是一場風險管理!」不重風險管理,只重分析只有輸錢一途!」(按此)

11月11日股評「「投資是一場心理遊戲!」不重心理,只重分析只有輸錢一途!」(按此)

11月9日股評「鑑古知今!過往十年香港股市的走勢對現况有何啟示!」(按此)

美國以至各國持續出招拯救金融機構,甚至入股銀行承擔風險,注資降低拆息,鼓勵銀行借貸......但金融市場仍是似暖還寒,投資市場及借貸市場缺水還未能明顯改善,究竟是時間問題還是到了無藥可救的地步?大家想當然認為不可能到了無藥可救的地步,但究竟這個「想當然」大家又有多少信心,其實有多少所謂「專家」是「老襯底、鱷魚頭」,金融海嘯後大家應心中有數?自金融海嘯後,筆者用少了時間看報紙,因為值得筆者參考的真正專家已所餘無幾!

好了!若是復甦只是時間問題,又需多久,要注幾多資金,減幾多次息才能見成效,中國於今天收市後減息及銀行儲備金率超過1%,超預期的心理因素及「相對」息口高位的減幅應該會為短期股市提振一番,但減息後的實質利率水平是否「絕對」地低,足夠使經濟就此翻身,相信明天看報又有很多「專家」出來評頭品足,但有幾多個還真的可倚傍?大幅減息又是否當事人知道經濟已真的變得很差?於此不明朗形勢下,那麼現時投資股票的風險是高還是低?

忽發奇想,去年股市及經濟牛氣沖天時,加息加銀行儲備金率或可起到短暫作用,股市升勢阻也阻不住,到了後期,加息加銀行儲備金率連那短暫阻力也不能造成時,即代表大家已完全降低風險意識,股市亦證明近頂不遠!

現時,股市及經濟熊氣蓋天,減息減銀行儲備金率應仍可起到短暫提振作用,但興奮過後,就讓大家看看股市跌勢是否仍然阻不住,是否要待減息減銀行儲備金率後連那短暫提振也不能造成時,即代表大家已完全充滿風險意識時,股市才是近底不遠!

以現值計,投資組合43%現金,57%持貨,持貨成本相等恒指19,200。筆者說過自己很重風險管理,寧賺少莫蝕多,投資組合的現金比重會隨風險作變化。現時,恒指的50天平均線為15,226,自今年4月升穿此線至6月跌穿後,50天平均線甚至20天平均線暫時成了上升阻力。筆者計劃於恒指到達15,000時減持9%持有股票,使當時的現金比重由40%增至45%,再靜觀其變。

(按一下下圖可放大)


另外,有讀者剛剛回應了筆者於11月4日寫的股評「股壇老行尊:不借錢買股票,怕甚麼!」(按此重溫),從另一角度作分析看事物,於下面重列,值得大家參考。

--------------------------------
其實呢個老行尊, 咪又係果D本身現金流極強, 又上晒岸既人, 大家唔好以為佢既成功, 係純粹取決於佢既投資態度, 佢70年代可以有咁高收入, 仲要有本事輸千幾萬而唔洗死, 普通人點做到呀? 仲有呢個人至少都識高位沽貨, 你地又有無睇到呢一點? 唔沽盡都減持啦, 如果你減持左既股票所得來既現金無手痕再買返, 個市跌到1萬點, 你都仲未大佬, 現金流咁強勁, 更係講得口響啦, 仲洗乜借錢買股票? 仲有, 如果實實在在唔借錢買正股既人, 如果只不過係一般打工仔, 月入唔夠二萬仲要養家供樓(香港好多呢D人), 呢D人可以在股票市場輸得幾多?

仲有, 唔係用借貸買返黎既股票, 唔代表乜都唔洗怕, 強如匯控都可以跌50%, 真係100%持貨? 呢個人講既野, 係鼓勵緊D人, 唔洗理大市升跌而唔作出任何動作, 喂, 呢D叫風險管理? 出自一個現金流超強既人把口, 呢D咁既風險當然唔洗管理, 但如果資金有限, 無論係幾好既股份, 都要減持, 話之你D股票用自己真金白銀買又好, 借返黎又好

某D blogger, 只係因為佢地本身收入高, 而畀大家一個錯覺, 覺得佢地既組合係因為投資有道先至可以變到咁大, 我追開某幾個blogger, 睇左幾百個post, 甚少提過沽貨, 或者減持 其實, 如果由一個唔貪心, 每個月老公會畀5萬蚊佢炒大藍籌而一味長渣既師奶, 佢地一樣都做到佢地既效果

所以, 紅猴兄你會沽貨呢個行為, 已經比好多blogger更有參考性

而且, 如果買一隻打靶價係去到你覺得升得穿就已經脫離自己心目中合理價值(這是十分主觀)既熊證, 輸左咪沽左D貨去當打和, 橫掂到左果個價你都要沽架啦, 如果好似你話齋, 16500打算沽, 咪買隻16500既熊嚕, 依家hit唔到又掉頭, 你又有錢執, hit到打靶, 你又唔會訓身買, 熊證本身有槓杆, 買少少都可以hedge到你全部資產
--------------------------------

(Contact: redmonkey@redmonkey.hk)

7 comments:

凱迪 said...

我睇開東尼,佢27000點不斷叫人買,年初話今年更勝去年,覺得今日已經有不少人比佢累死。雖然作出投資決定的還是散戶自己。

佢叫人買瑞房(272)買創科(669),分別從當時七元和九元跌到今時今日個幾同兩個幾。

個幾星期前還以1.9元不斷掃入創科。

誰有這樣大的現金流?呢位兄弟的批評,我覺得好岩。

Anonymous said...

紅猴先生你好!
本人身在UK!看你的blog以一段日子!
麻煩你,我有個問題想你指點!
我是個初學者,一開始不久,就遇上'海肅'!
問題是年初買入0048就停牌,
一直不能買賣!蝕到死死下!
近日聽新聞要清盤,那结果会怎樣?無哂?

紅猴 said...

凱迪

東尼自稱價值投資者,近期言論卻前後矛盾,真的令人失望!

Redmonkey

紅猴 said...

Mill,

當一間公司清盤時,清盤人會將所有資產變賣,然後再按優先次序清還欠債。債權主要分為有抵押債權和無抵押債權兩種。

有抵押債權可取回有關抵押品變賣所得資金。如果還有餘款的話,要交回清盤人,成為公司資產,依先後次序發放給其他債權人。若抵押品變賣款項不足,便會被列入無抵押債權名單。

在清還的次序中,除了清盤人的酬勞、員工和政府,銀行的位置也是排在很前面的。之後,才輪到一般無抵押的債權人,最後才是股東,即是拿著股票的投資者。

另外,奉勸投資非優質股,要以止蝕作保護,通常股票有問題停牌前,股價會先行無原因下跌,因有投資者會失得消息而沽貨。

Redmonkey

Anonymous said...

謝謝紅猴先生詳細解答!
另外問題是他(0048)一直在bank account
我想放棄他,唔要當蝕哂!
總好過仍要扣倉租!
問題是我怎樣get rib of its?
他不會'無拿拿'的消失是吧!
please help!

紅猴 said...

mill,

相信你需等待一段不短時間(或以年計),期間只有持有!

Redmonkey

Anonymous said...

thank you! Mr Redmonkey!